ਬਾਬਾ ਵੇਂਗਾ ਦੀ 2022 'ਚ ਭਾਰਤ ਲਈ ਖਤਰਨਾਕ ਭਵਿੱਖਬਾਣੀ

ਬਾਬਾ ਵੇਂਗਾ ਨੂੰ ਭਵਿੱਖਬਾਣੀਆਂ ਲਈ ਪੂਰੀ ਦੁਨੀਆ ਵਿੱਚ ਜਾਣਿਆ ਜਾਂਦਾ ਹੈ। ਬਾਬਾ ਵੇਂਗਾ ਨੇ ਸਾਲ 2022 ਲਈ ਜੋ ਵੀ ਭਵਿੱਖਬਾਣੀ ਕੀਤੀ ਸੀ, ਉਹ ਸੱਚ ਹੁੰਦੀ ਦਿਖਾਈ ਦਿੱਤੀ। ਉਸ ਨੇ ਆਸਟ੍ਰੇਲੀਆ ਅਤੇ ਕਈ ਏਸ਼ੀਆਈ ਦੇਸ਼ਾਂ ਵਿੱਚ ਭਿਆਨਕ ਹੜ੍ਹਾਂ ਅਤੇ ਕਈ ਦੇਸ਼ਾਂ ਵਿੱਚ ਸੋਕੇ ਕਾਰਨ ਪਾਣੀ ਦੀ ਕਮੀ ਦੀ ਭਵਿੱਖਬਾਣੀ ਕੀਤੀ ਸੀ, ਜੋ ਸੱਚ ਵੀ ਹੋਈ।
ਜਲਵਾਯੂ ਪਰਿਵਰਤਨ ਕਾਰਨ ਯੂਰਪ ਅਜੇ ਵੀ ਸੋਕੇ ਅਤੇ ਤੀਬਰ ਗਰਮੀ ਨਾਲ ਜੂਝ ਰਿਹਾ ਹੈ। ਉਸ ਦੀ ਅਗਲੀ ਭਵਿੱਖਬਾਣੀ ਭਾਰਤ ਬਾਰੇ ਹੈ ਅਤੇ ਇਸ ਵਿੱਚ 2022 ਵਿੱਚ ਅਕਾਲ ਵਰਗੀ ਸਥਿਤੀ ਸ਼ਾਮਲ ਹੈ।
ਇਸ ਤੋਂ ਇਲਾਵਾ ਉਨ੍ਹਾਂ ਨੇ 2022 ਲਈ 3 ਹੋਰ ਭਵਿੱਖਬਾਣੀਆਂ ਕੀਤੀਆਂ, ਜਿਨ੍ਹਾਂ 'ਚ ਭਿਆਨਕ ਮਹਾਮਾਰੀ ਦੀ ਸ਼ੁਰੂਆਤ ਦੀ ਗੱਲ ਕਹੀ ਗਈ ਹੈ। ਭਵਿੱਖਬਾਣੀ ਦੇ ਅਨੁਸਾਰ, ਵਿਗਿਆਨੀ ਸਾਇਬੇਰੀਆ ਦੇਸ਼ ਤੋਂ ਇੱਕ ਨਵੇਂ ਵਾਇਰਸ ਦੀ ਖੋਜ ਕਰਨਗੇ। ਵੇਂਗਾ ਨੇ ਦੁਨੀਆ ਭਰ ਵਿੱਚ ਇਸਦੇ ਫੈਲਣ ਦੀ ਭਵਿੱਖਬਾਣੀ ਕੀਤੀ, ਜਿਸਦੇ ਨਤੀਜੇ ਵਜੋਂ ਲੱਖਾਂ ਮੌਤਾਂ ਹੋਣਗੀਆਂ। ਭਾਰਤ ਵਿੱਚ ਅਕਾਲ ਵਰਗੀ ਸਥਿਤੀ ਹੋਵੇਗੀ, ਅਤੇ ਹੋਰ ਭਵਿੱਖਬਾਣੀਆਂ ਵਿੱਚ ਏਲੀਅਨਾਂ ਦੀ ਆਮਦ ਸ਼ਾਮਲ ਹੈ।ਬਾਬਾ ਵੇਂਗਾ ਨੇ ਹੁਣ ਤੱਕ ਜੋ ਵੀ ਭਵਿੱਖਬਾਣੀਆਂ ਕੀਤੀਆਂ ਹਨ, ਉਹ ਸਹੀ ਸਾਬਤ ਹੋਈਆਂ ਹਨ। ਉਦਾਹਰਨ ਲਈ, 9/11, ਜਿੱਥੇ ਉਨ੍ਹਾਂ ਨੇ "ਸਟੀਲ ਬਰਡਜ਼" ਦੇ ਹਮਲੇ ਦੀ ਭਵਿੱਖਬਾਣੀ ਕੀਤੀ ਸੀ, ਸੰਯੁਕਤ ਰਾਜ ਦੇ 44ਵੇਂ ਰਾਸ਼ਟਰਪਤੀ ਜੋ ਕਿ ਇੱਕ ਅਫਰੀਕੀ-ਅਮਰੀਕੀ ਸਨ, ਡੋਨਾਲਡ ਟਰੰਪ ਬਾਰੇ ਉਸ ਦੀ ਭਵਿੱਖਬਾਣੀ ਵੀ ਸੱਚ ਹੋਈ ਅਤੇ ਇੱਥੋਂ ਤੱਕ ਕਿ ਉਸ ਦੀ ਆਪਣੀ ਮੌਤ ਵੀ ਇਹਨਾਂ ਭਵਿੱਖਬਾਣੀਆਂ ਵਿੱਚ ਸ਼ਾਮਲ ਹਨ।
ਕੁਝ ਭਵਿੱਖਬਾਣੀਆਂ ਅਜਿਹੀਆਂ ਵੀ ਹਨ ਜੋ ਪੂਰੀਆਂ ਨਹੀਂ ਹੋਈਆਂ ਜਿਵੇਂ ਕਿ ਨਵੰਬਰ 2010 ਵਿੱਚ ਇੱਕ ਹੋਰ ਵਿਸ਼ਵ ਯੁੱਧ ਜੋ 2014 ਵਿੱਚ ਖ਼ਤਮ ਹੋ ਜਾਵੇਗਾ, ਰਸਾਇਣਕ ਯੁੱਧ ਤੋਂ ਚਮੜੀ ਦਾ ਕੈਂਸਰ, 2016 ਵਿੱਚ ਯੂਰਪ ਦੇ ਉਜੜਨ ਦੀ ਭਵਿੱਖਬਾਣੀ ਅਤੇ 2018 ਵਿੱਚ ਚੀਨ ਦੇ ਵਿਸ਼ਵ ਸ਼ਕਤੀ ਬਣਨ ਦੀ ਭਵਿੱਖਬਾਣੀ।