ਨਵੀਂ ਖਰੀਦੀ ਕਾਰ 'ਤੇ ਘੁੰਮਣ ਨਿਕਲੇ, ਸੜਕ ਹਾਦਸੇ 'ਚ 3 ਸਕੇ ਭਰਾਵਾਂ ਸਮੇਤ 5 ਨੌਜਵਾਨਾਂ ਦੀ ਮੌਤ
ਭਰਤਪੁਰ : ਭਰਤਪੁਰ ਜ਼ਿਲ੍ਹੇ ਵਿੱਚ ਨਵੀਂ ਕਾਰ ਲੈ ਕੇ ਪਰਿਵਾਰਕ ਮੈਂਬਰਾਂ ਨੂੰ ਬਿਨਾਂ ਦੱਸੇ ਘੁੰਮਣ ਗਏ ਤਿੰਨ ਸਕੇ ਭਰਾਵਾਂ ਸਮੇਤ ਪੰਜ ਨੌਜਵਾਨਾਂ ਦੀ ਭਿਆਨਕ ਸੜਕ ਹਾਦਸੇ (Fatal road accident) ਵਿੱਚ ਮੌਤ ਹੋ ਗਈ। ਹਾਦਸੇ 'ਚ ਕਾਰ ਦੇ ਪਰਖੱਚੇ ਉੱਡ ਗਏ। ਇਨ੍ਹਾਂ ਵਿੱਚੋਂ ਇੱਕ ਨੌਜਵਾਨ ਦਾ ਅੱਠ ਦਿਨ ਪਹਿਲਾਂ ਹੀ ਵਿਆਹ (Marriage) ਹੋਇਆ ਸੀ। ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਮ੍ਰਿਤਕਾਂ ਦੇ ਘਰਾਂ 'ਚ ਮਾਤਮ ਛਾ ਗਿਆ। ਪੁਲਿਸ ਨੇ ਪੋਸਟਮਾਰਟਮ ਕਰਵਾ ਕੇ ਲਾਸ਼ ਵਾਰਸਾਂ ਹਵਾਲੇ ਕਰ ਦਿੱਤੀ ਹੈ। ਇਸ ਹਾਦਸੇ ਵਿੱਚ ਨੌਜਵਾਨਾਂ ਦੀ ਕਾਰ ਨਾਲ ਟਕਰਾ ਗਈ ਬੋਲੈਰੋ ਵਿੱਚ ਸਵਾਰ ਚਾਰ ਵਿਅਕਤੀ ਜ਼ਖ਼ਮੀ ਹੋ ਗਏ।ਵਧੀਕ ਪੁਲਿਸ ਸੁਪਰਡੈਂਟ ਰਘੁਵੀਰ ਸਿੰਘ ਨੇ ਦੱਸਿਆ ਕਿ ਇਹ ਦਰਦਨਾਕ ਹਾਦਸਾ ਜ਼ਿਲ੍ਹੇ ਦੇ ਪਹਾੜੀ ਥਾਣਾ ਖੇਤਰ ਅਧੀਨ ਪੈਂਦੇ ਪਿੰਡ ਬਰਖੇੜਾ ਵਿੱਚ ਬੁੱਧਵਾਰ ਰਾਤ ਨੂੰ ਵਾਪਰਿਆ। ਕਾਰ ਅਤੇ ਬੋਲੈਰੋ ਵਿਚਾਲੇ ਜ਼ਬਰਦਸਤ ਟੱਕਰ ਹੋ ਗਈ। ਕਾਰ ਵਿੱਚ ਪੰਜ ਨੌਜਵਾਨ ਅਤੇ ਬੋਲੈਰੋ ਵਿੱਚ ਚਾਰ ਵਿਅਕਤੀ ਸਵਾਰ ਸਨ। ਹਾਦਸੇ 'ਚ ਸਾਰੇ ਲੋਕ ਗੰਭੀਰ ਜ਼ਖਮੀ ਹੋ ਗਏ। ਇਸੇ ਦੌਰਾਨ ਪਹਾੜੀ ਤੋਂ ਗੋਪਾਲਗੜ੍ਹ ਥਾਣੇ ਜਾ ਰਹੇ ਏਐਸਆਈ ਬਾਬੂਲਾਲ ਮੀਨਾ ਨੇ ਜ਼ਖ਼ਮੀਆਂ ਨੂੰ ਦੇਖ ਕੇ ਪਹਾੜੀ ਸੀਐਚਸੀ ਵਿੱਚ ਦਾਖ਼ਲ ਕਰਵਾਇਆ। ਇਸ ਤੋਂ ਬਾਅਦ ਪਹਾੜੀ ਪੁਲਿਸ ਵੀ ਸੂਚਨਾ 'ਤੇ ਹਸਪਤਾਲ ਪਹੁੰਚ ਗਈ।
ਹਾਦਸੇ ਵਿੱਚ ਮਾਰੇ ਗਏ ਵਸੀਮ ਦਾ ਅੱਠ ਦਿਨ ਪਹਿਲਾਂ ਹੀ ਵਿਆਹ ਹੋਇਆ ਸੀ।
ਇਲਾਜ ਦੌਰਾਨ ਕਾਰ ਵਿੱਚ ਸਵਾਰ ਪੰਜੇ ਨੌਜਵਾਨਾਂ ਦੀ ਮੌਤ ਹੋ ਗਈ। ਪੁਲਿਸ ਨੇ ਪੰਜਾਂ ਮ੍ਰਿਤਕਾਂ ਦੀਆਂ ਲਾਸ਼ਾਂ ਦਾ ਪਹਾੜੀ ਦੇ ਸਿਹਤ ਕੇਂਦਰ ਵਿੱਚ ਪੋਸਟਮਾਰਟਮ ਕਰਵਾ ਕੇ ਵਾਰਸਾਂ ਨੂੰ ਸੌਂਪ ਦਿੱਤੀਆਂ ਹਨ। ਇਨ੍ਹਾਂ ਵਿੱਚੋਂ ਤਿੰਨ ਨੌਜਵਾਨ ਸਕੇ ਭਰਾ ਸਨ। ਚੌਥਾ ਉਸਦਾ ਚਚੇਰਾ ਭਰਾ ਸੀ। ਪੰਜਵਾਂ ਉਸਦਾ ਭਤੀਜਾ ਸੀ।
So sad
So sad news
Soo sad
😔 sad