अखेर सानिया- शोएबच्या घटस्फोटावर बोलली पाकिस्तानी अभिनेत्री, लग्नावरही सोडलं मौन
नवी दिल्ली- अलीकडेच, भारताची प्रसिद्ध टेनिसपटू सानिया मिर्झा आणि पाकिस्तानी क्रिकेटर शोएब अख्तर यांच्या वैवाहिक जीवनात विभक्त होण्याच्या बातम्यांनी लोकांना गोंधळात टाकलं होतं. असं असतानाही शोएब आणि सानिया या दोघांनीही त्यांच्या नात्याबद्दल उघडपणे काहीही सांगितलं नाही. या सगळ्यात पाकिस्तानी अभिनेत्री आयशा उमरचे शोएबसोबत लिंकअप झाल्याची बातमी काही दिवसांपूर्वी समोर आली होती.
शोएबसोबतच्या बाँडिंगवर आयशा बोलली
गेल्या वर्षी मॅगझिन शूटनंतर, अनेक दिग्दर्शकांनी आयशाला फटकारलं आणि तिच्यावर आरोप केला की शोएब आणि सानियाचं वैवाहिक जीवन तिच्यामुळेच उद्ध्वस्त झालं. एका चाहत्याने तिला विचारलं होतं की ती शोएबशी लग्न करणार आहे का? त्या कमेंटला उत्तर देताना आयशाने लिहिलं होतं- अजिबात नाही. ती म्हणाली, 'शोएब सानिया मिर्झासोबत आनंदी जीवन जगत आहे आणि तिला त्या दोघांबद्दल खूप आदर आहे.' आयशाने असेही सांगितलं की ती आणि शोएब चांगले मित्र आहेत आणि एकमेकांसाठी फक्त चांगलंच इच्छितात. असं नातं या जगातदेखील अस्तित्वात आहे.
आयशाने लिहिलं, 'नाही, अजिबात नाही. तो विवाहित आहे आणि त्याच्या पत्नीसोबत खूप आनंदी आहे. मी शोएब आणि सानिया दोघांचा खूप आदर करते. शोएब आणि मी चांगले मित्र आहोत आणि एकमेकांची काळजी घेतो. खूप आदर करतो. या जगात लोकांमध्ये असे संबंध अजून तरी असतात.' आता आयशाच्या या कमेंटचा स्क्रीनशॉट व्हायरल होत आहे.
