ਬੈਂਕ ਮੈਨੇਜਰ ਤੇ ਕੈਸ਼ੀਅਰ ਪਿੰਡ ਵਾਸੀਆਂ ਦੇ 2 ਕਰੋੜ ਰੁਪਏ ਲੈ ਕੇ ਫਰਾਰ
ਉਤਰਾਖੰਡ ਸੂਬੇ ਦੇ ਜਾਖਨੀਧਾਰ ਬਲਾਕ ਵਿੱਚ ਸਥਿਤ ਮਦਨ ਨੇਗੀ ਯੂਨੀਅਨ ਬੈਂਕ ਦੀ ਸ਼ਾਖਾ ਵਿੱਚ ਕਰੀਬ ਦੋ ਕਰੋੜ ਰੁਪਏ ਦੇ ਗਬਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਬੈਂਕ ਦੇ ਮੈਨੇਜਰ ਅਤੇ ਕੈਸ਼ੀਅਰ 'ਤੇ ਗਬਨ ਕਰਨ ਦਾ ਦੋਸ਼ ਹੈ। ਦੋਵੇਂ ਫਰਾਰ ਹਨ।
ਇੱਥੇ ਬੈਂਕ 'ਚ ਜਮ੍ਹਾ ਪੈਸੇ ਡੁੱਬਣ ਦੀ ਖਬਰ ਫੈਲਦੇ ਹੀ ਖਾਤਾਧਾਰਕਾਂ 'ਚ ਹਾਹਾਕਾਰ ਮੱਚ ਗਈ ਹੈ। ਪਿੰਡ ਵਾਸੀ ਆਪਣੀ ਮਿਹਨਤ ਦੀ ਕਮਾਈ ਲਈ ਬੈਂਕ ਦੇ ਗੇੜੇ ਮਾਰ ਰਹੇ ਹਨ। ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
