ਲੁਧਿਆਣਾ ਸ਼ਹਿਰ ਦੇ ਕਈ ਇਲਾਕੀਆ ਚ ਲੱਗਣਗੇ ਕੱਟ

ਸ਼ਹਿਰ ਵਿੱਚ ਐਤਵਾਰ ਨੂੰ ਲੋਕਾਂ ਨੂੰ ਬਿਜਲੀ ਸੰਕਟ ਨਾਲ ਜੂਝਣਾ ਪੈ ਸਕਦਾ ਹੈ। ਪਾਵਰਕੌਮ ਦੇ ਬੁਲਾਰੇ ਅਨੁਸਾਰ ਬਿਜਲੀ ਦੀਆਂ ਤਾਰਾਂ ਅਤੇ ਉਪਕਰਨਾਂ ਦੀ ਮੁਰੰਮਤ ਕਾਰਨ 24 ਜੁਲਾਈ ਦਿਨ ਐਤਵਾਰ ਨੂੰ ਸ਼ਹਿਰ ਦੇ ਕੁਝ ਇਲਾਕਿਆਂ ਵਿੱਚ ਬਿਜਲੀ ਸਪਲਾਈ ਠੱਪ ਰਹੇਗੀ।ਸਵੇਰੇ 10 ਵਜੇ ਤੋਂ ਸ਼ਾਮ 5 ਵਜੇ ਤਕ ਸੀਰਾ ਰੋਡ ਇੰਡਸਟਰੀ, ਧਰਮਪੁਰਾ ਕਲੋਨੀ, ਬਾਜ਼ੀਗਰ ਕਲੋਨੀ, ਹਰਕ੍ਰਿਸ਼ਨ ਨਗਰ, ਪਿੰਡ ਮਹਿਰਾਬਾਂ, ਪਿੰਡ ਸੀਰਾ, ਸੀਰਾ ਰੋਡ, ਪਿੰਡ ਮਾਂਗਟ, ਮਾਂਗਟ ਰੋਡ ਇੰਡਸਟਰੀ, ਪਿੰਡ ਕੇਨਜਾ, ਸੁਜਾਤਵਾਲ, ਢੇਰੀ ਚੌਦਵਾਲ ਆਦਿ ਖੇਤਰਾਂ ਵਿੱਚ ਬਿਜਲੀ ਬੰਦ ਰਹੇਗੀ।ਇਨ੍ਹਾਂ ਖੇਤਰਾਂ ਵਿੱਚ 4 ਘੰਟੇ ਦੀ ਕਟੌਤੀ ਹੋਵੇਗੀ

ਇਸ ਤੋਂ ਇਲਾਵਾ 11 ਕੇ.ਵੀ.ਕਲਾਨੀ, ਭਾਰਤ ਨਗਰ, ਕੰਟਰੀ ਹੋਮ, ਗੜਵਾਸੂ, ਗੁਰਦੇਵ ਨਗਰ, ਐਫ.ਐਮ.ਆਈ ਅਤੇ ਆਰਤੀ ਫੀਡਰਾਂ ਵਿੱਚ ਵੀ ਮੁਰੰਮਤ ਦਾ ਕੰਮ ਕੀਤਾ ਜਾਵੇਗਾ। ਇਸ ਕਾਰਨ ਸਵੇਰੇ 9.30 ਤੋਂ ਦੁਪਹਿਰ 12.30 ਵਜੇ ਤਕ ਪਾਵਰ ਕਲੋਨੀ ਨੰਬਰ 1 ਅਤੇ ਗੜਵਾਸੂ ਫੀਡਰ ਦੀਆਂ ਮੁੱਖ ਤਾਰਾਂ ਦੀ ਮੁਰੰਮਤ ਕੀਤੀ ਜਾਵੇਗੀ। ਪ੍ਰਭਾਵਿਤ ਖੇਤਰ ਪਾਵਰ ਕਲੋਨੀ ਨੰਬਰ ਇਕ, ਕੰਟਰੀ ਹੋਮਜ਼ ਦੇ ਸਾਰੇ ਬਲਾਕ, ਸੀਆਈਐਫਈਈਟੀ, ਪੀਏਯੂ ਵੈਕਸੀਨ ਇੰਸਟੀਚਿਊਟ, ਗੜਵਾਸੂ, ਨਿਊ ਗਰਲਜ਼ ਹੋਸਟਲ, ਪਸ਼ੂ ਹਸਪਤਾਲ, ਕਰਤਾਰ ਕੰਪਲੈਕਸ, ਧਨਰਾਜ ਕੰਪਲੈਕਸ, ਸਰਾਭਾ ਨਗਰ ਬਲਾਕ ਹਨ।

ਪੰਜਾਬ ਵਿੱਚ ਮੀਂਹ ਕਾਰਨ ਬਿਜਲੀ ਦੀ ਮੰਗ ਘਟੀ ਹੈ

ਜ਼ਿਕਰਯੋਗ ਹੈ ਕਿ ਪੰਜਾਬ ਦੇ ਕਈ ਸ਼ਹਿਰਾਂ ਵਿੱਚ ਪਿਛਲੇ ਦਿਨਾਂ ਤੋਂ ਪਏ ਮੀਂਹ ਕਾਰਨ ਬਿਜਲੀ ਦੀ ਮੰਗ ਘਟਦੀ ਜਾ ਰਹੀ ਹੈ। ਇਸ 'ਚ ਕਰੀਬ 3700 ਮੈਗਾਵਾਟ ਦੀ ਕਮੀ ਆਈ ਹੈ। ਆਉਣ ਵਾਲੇ ਦਿਨਾਂ 'ਚ ਜੇਕਰ ਬਾਰਸ਼ ਤੋਂ ਬਾਅਦ ਮੌਸਮ ਠੰਡਾ ਰਹਿੰਦਾ ਹੈ ਤਾਂ ਮੰਗ ਹੋਰ ਘਟ ਸਕਦੀ ਹੈ। ਪਿਛਲੇ ਦਿਨਾਂ ਤੋਂ ਕਈ ਥਾਵਾਂ ’ਤੇ ਬਿਜਲੀ ਕੱਟ ਲੱਗਣ ਕਾਰਨ ਲੋਕਾਂ ਨੂੰ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਜ਼ਿਕਰਯੋਗ ਹੈ ਕਿ ਗਰਮੀ ਅਤੇ ਬਰਸਾਤ ਦੇ ਮੌਸਮ ਵਿਚ ਸ਼ਹਿਰ ਦੇ ਲੋਕਾਂ ਨੂੰ ਹਰ ਸਾਲ ਬਿਜਲੀ ਸੰਕਟ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਕਈ ਵਾਰ ਬਰਸਾਤ ਕਾਰਨ ਲਾਈਨ ਵਿੱਚ ਨੁਕਸ ਵੀ ਆ ਜਾਂਦਾ ਹੈ।