ਨੋਇਡਾ ਦੇ ਟਵਿਨ ਟਾਵਰਾਂ ਨੂੰ ਢਾਹੁਣ ਦੀ ਕੀਤੀ ਜਾ ਰਹੀ ਹੈ ਤਿਆਰੀ

ਨੋਇਡਾ ਵਿੱਚ ਸਥਿਤ ਸੁਪਰਟੈਕ ਦੇ 40 ਮੰਜ਼ਿਲਾ ਟਵਿਨ ਟਾਵਰਾਂ ਨੂੰ ਢਾਹੁਣ (demolition of Noida twin towers) ਦੀਆਂ ਤਿਆਰੀਆਂ ਕੀਤੀਆਂ ਜਾ ਰਹੀਆਂ ਹਨ। ਦੋਵੇਂ ਟਾਵਰਾਂ ਨੂੰ ਪੂਰੀ ਤਰ੍ਹਾਂ ਵਿਸਫੋਟਕਾਂ ਨਾਲ ਜੋੜਿਆ ਗਿਆ ਹੈ। ਸੁਪਰੀਮ ਕੋਰਟ ਨੇ 12 ਅਗਸਤ ਨੂੰ 103 ਮੀਟਰ ਉੱਚੇ ਟਵਿਨ ਟਾਵਰਜ਼ ਐਪੈਕਸ ਅਤੇ ਕੇਏਨ ਨੂੰ ਢਾਹੁਣ ਲਈ 28 ਅਗਸਤ ਦੀ ਸਮਾਂ ਸੀਮਾ ਸੱਤ ਦਿਨਾਂ ਦੀ ਬੈਂਡਵਿਡਥ ਨਾਲ 4 ਸਤੰਬਰ ਤੱਕ ਵਧਾ ਦਿੱਤੀ ਸੀ। ਹਾਲਾਂਕਿ ਪਿਛਲੀ ਸਮਾਂ ਸੀਮਾ ਬਰਕਰਾਰ ਰੱਖਣ ਦੇ ਮੱਦੇਨਜ਼ਰ 13 ਅਗਸਤ ਤੋਂ ਵਿਸਫੋਟਕਾਂ ਦੀ ਫਿਕਸਿੰਗ ਸ਼ੁਰੂ ਕਰ ਦਿੱਤੀ ਗਈ ਸੀ।
ਇੱਕ ਰਿਪੋਰਟ ਅਨੁਸਾਰ ਨੋਇਡਾ ਟਵਿਨ ਟਾਵਰਜ਼ (Noida twin towers) ਨੂੰ ਢਹਿ-ਢੇਰੀ ਕਰਨ ਵਾਲੀ ਕੰਪਨੀ ਐਡਫਿਸ ਇੰਜੀਨੀਅਰਿੰਗ ਨੂੰ ਇਮਾਰਤਾਂ ਵਿੱਚ ਵਿਸਫੋਟਕ ਚਾਰਜ ਕਰਨ ਦੀ ਪ੍ਰਕਿਰਿਆ ਨੂੰ ਪੂਰਾ ਕਰਨ ਲਈ 15 ਦਿਨਾਂ ਦਾ ਸਮਾਂ ਲੱਗੇਗਾ। ਵਿਸਫੋਟਕਾਂ ਦੀ 'ਚਾਰਜਿੰਗ' 3,700 ਕਿਲੋਗ੍ਰਾਮ ਵਿਸਫੋਟਕਾਂ ਨੂੰ 9,000 ਤੋਂ ਵੱਧ ਛੇਕਾਂ ਵਿੱਚ ਪੈਕ ਕਰਨ ਦੀ ਪ੍ਰਕਿਰਿਆ ਹੈ, ਜੋ ਟਾਵਰਾਂ ਦੇ ਕੰਕਰੀਟ ਵਿੱਚ ਡ੍ਰਿਲ ਕੀਤੇ ਗਏ ਹਨ। ਰਿਪੋਰਟਾਂ ਅਨੁਸਾਰ, ਘੱਟੋ-ਘੱਟ 100 ਕਰਮਚਾਰੀ ਢਾਹੁਣ ਵਾਲੀ ਟੀਮ ਦਾ ਹਿੱਸਾ ਹਨ।