ज्यांनी शिवसेना फोडली, धनुष्यबाण चिन्ह गोठवलं त्यांच्या

पत्राचाळ पुनर्विकास घोटाळ्याप्रकरणी खासदार संजय राऊत यांना विशेष न्यायालयाने बुधवारी जामीन मंजूर केला. तर दुसरीकडे राऊत यांना जामीन देण्याच्या निर्णयाला तातडीने स्थगिती देण्यास उच्च न्यायालयानेही नकार दिल्याने अंमलबजावणी संचालनालयाला (ईडी) दुहेरी तडाखा मिळाला. संजय राऊत यांना जामीन मिळाल्याने ऑर्थर रोड तुरुंगातून सायंकाळी उशिरा मुक्तता करण्यात आली. तेव्हा शेकडो शिवसेना कार्यकर्त्यांनी जल्लोष करून मिरवणूकही काढली. या मिरवणूकीनंतर राऊत यांनी कार्यकर्त्यांसमोर केलेल्या भाषणामध्ये विद्यमान मुख्यमंत्री एकनाथ शिंदेंना अप्रत्यक्षपणे टोला लागवला. “ज्यांनी शिवसेना तोडली, फोडली,” असा उल्लेख करत राऊत यांनी मुख्यमंत्री शिंदेंवर निशाणा साधला.