ਲੁਧਿਆਣਾ 'ਚ ਰਿਸ਼ਤੇਦਾਰਾਂ ਨਾਲ ਮਿਲ 12 ਸਾਲਾ ਲੜਕੀ ਨੂੰਵਿਆਹਾਂ 'ਚ ਚੋਰੀ ਲਈ ਕੀਤਾ ਟਰੇਂਡ, ਮਾਂ-ਧੀ ਗ੍ਰਿਫਤਾਰ

ਸ਼ਹਿਰ ਵਿੱਚ 26 ਅਤੇ 27 ਸਤੰਬਰ ਨੂੰ ਪੈਲੇਸ ਵਿੱਚ ਹੋਏ ਦੋ ਵਿਆਹਾਂ ਵਿੱਚ ਦਾਖ਼ਲ ਹੋ ਕੇ ਲਾੜੀ ਅਤੇ ਉਸ ਦੇ ਰਿਸ਼ਤੇਦਾਰਾਂ ਦਾ ਪਰਸ ਚੋਰੀ ਕਰਨ ਵਾਲੀ ਮਾਂ-ਧੀ ਨੂੰ ਪੁਲਿਸ ਨੇ ਗ੍ਰਿਫ਼ਤਾਰ ਕਰ ਲਿਆ ਹੈ। ਔਰਤ ਨੇ ਦੋ ਰਿਸ਼ਤੇਦਾਰਾਂ ਨਾਲ ਮਿਲ ਕੇ ਆਪਣੀ 12 ਸਾਲਾ ਲੜਕੀ ਨੂੰ ਵਿਆਹਾਂ ਵਿਚ ਚੋਰੀ ਕਰਨ ਦੀ ਸਿਖਲਾਈ ਦਿੱਤੀ ਸੀ। ਇਨ੍ਹਾਂ ਕੋਲੋਂ ਚੋਰੀ ਦਾ ਪਰਸ ਅਤੇ ਦੋ ਹਜ਼ਾਰ ਰੁਪਏ ਬਰਾਮਦ ਕੀਤੇ ਗਏ ਹਨ। ਦੋਵਾਂ ਨੂੰ ਸੋਮਵਾਰ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ। ਅਦਾਲਤ ਨੇ ਔਰਤ ਨੂੰ ਇਕ ਦਿਨ ਦੇ ਪੁਲਿਸ ਰਿਮਾਂਡ 'ਤੇ ਅਤੇ 12 ਸਾਲਾ ਲੜਕੀ ਨੂੰ ਜਲੰਧਰ ਸਥਿਤ ਗਾਂਧੀ ਵਿਨੀਤਾ ਆਸ਼ਰਮ ਵਿਖੇ ਭੇਜ ਦਿੱਤਾ ਹੈ।