अमरावती ते अकोला रस्त्याची गिनीज वर्ल्ड रेकॉर्डमध्ये नोंद, गडकरींकडून अभिनंदन
मूर्तिजापूर/अकोला : अमरावती ते अकोलादरम्यान, राष्ट्रीय महामार्ग क्रमांक ५३ (पूर्वीचे ६) वर राजपथ इन्फ्राकॉनने सलग १०९.८८ तासात ४२.२०० किमी बिटूमिनस काँक्रीटचे पेविंग करून जगातील सर्व विक्रम मोडून नवीन विश्वविक्रम प्रस्थापित केला आहे. बुधवारी ता. ७ जून २०२२ रोजी माना कॅम्प येथे 'गिनीज वर्ल्ड रेकॉर्डचे निर्णायक स्वप्नील डांगरिकर यांनी राजपथ इन्फ्राकॉनचे व्यवस्थापकीय संचालक जगदीश कदम यांना 'गिनीज वर्ल्ड रेकॉर्ड'चे प्रमाणपत्र सुपूर्द केले.