भर पावसात थिरकली करिष्मा कपूर, माधुरी दीक्षित कमेंट करत म्हणाली…

ऑक्टोबर महिना सुरु झाला आहे सगळीकडे दिवाळीची तयारी सुरु आहे मात्र वातावरण काही दिवस विचित्र आहे. गेले काही दिवस सर्वत्र पाऊस पडत आहे. सप्टेंबर महिन्यानंतर पाऊस थांबतो मात्र यावर्षी ऑक्टोबर महिन्यातदेखील मुसळधार पाऊस पडत आहे. पावसावरून सोशल मीडियावर अनके विनोद व्हायरल होत आहेत. पावसात सर्वात जास्त आनंदी होतात ती मुले मात्र आजकाल सगळ्याच वयोगटातील लोक पावसाचा आनंद घेतात. यात बॉलिवूड सेलिब्रेटीदेखील मागे नाहीत. अभिनेत्री करिष्मा कपूरचा व्हिडीओ व्हायरल होत आहे. पावसात नाचतानाचा तिचा हा व्हिडीओ नेटकऱ्यांना आवडला आहे.

या व्हिडीओमध्ये ती तिच्या ‘दिल तो पागल हैं’ चित्रपटातील चक चक धूम धूम या गाण्यावर नाचताना दिसत आहे. मूळ गाणे हे चित्रपटात शाहरुख खान, माधुरी दीक्षितवर चित्रित झाले होते. या चित्रपटात ती शाहरुख खान, माधुरी दीक्षितबरोबर झळकली होती. हा चित्रपट आणि यातील गाणी सुपरहिट ठरली होती. या चित्रपटाने तिला वेगळी ओळख मिळवून दिली होती. तिच्या या व्हिडीओवर हजारो प्रतिक्रिया आल्या आहेत. खुद्द माधुरीने स्माईलीमधून आपल्या भावना व्यक्त केल्या आहेत.