यवतमाळ : रॅगिंग भोवली, पाच विद्यार्थी अखेर निलंबित ! ;

यवतमाळ येथील वसंतराव नाईक शासकीय वैद्यकीय महाविद्यालयात पदव्युत्तर अभ्यासक्रमाच्या विद्यार्थ्यांची रॅगिंग घेतल्याप्रकरणी पाच वरिष्ठ विद्यार्थ्यांना निलंबित करण्यात आले आहे. महाविद्यालयाचे अधिष्ठाता डॉ. मिलिंद फुलपाटील यांच्या आदेशावरून ही कारवाई करण्यात आली. महाविद्यालय प्रशासन हे प्रकरण दडपत असल्याची तक्रार पीडित विद्यार्थ्याच्या पालकांनी केली आहे. त्यामुळे या घटनेची आरोग्य विज्ञान विद्यापीठाने गंभीर दखल घेतली असून, सोमवारी विद्यापीठाची पाच सदस्यीय समिती चौकशीसाठी येणार आहे.