मित्र म्हणाले हा मुलगा मोठा होऊन तुझी हत्या करेल, हे ऐकून पित्याने केले असे काही…

आरोपीच्या पहिल्या लग्नाला 15 वर्षे झाली आहेत. तर दुसरा विवाह दीड महिन्यापूर्वीच केला होता. पीडित महिलेने आपल्या पहिल्या पतीला सोडून आरोपीशी लग्न केले होते.
मध्य प्रदेश : मध्य प्रदेशातील शिवपुरी (Shivpuri Madhya Pradesh) येथे काळजाचा थरकाप उडवणारी घटना उघडकीस आली आहे. सावत्र बापाने अडीच वर्षाच्या मुलाची हत्या (Child Murder) केल्याची धक्कादायक घटना घडली आहे. हत्या केल्यानंतर मुलाचा मृतदेह एका लोखंडाच्या बॉक्समध्ये लपवून ठेवला. हत्येनंतर आरोपी फरार (Accuse Absconding) झाला असून, पोलीस त्याचा शोध घेत आहेत. लखन कुचबुंदिया असे हत्या करणाऱ्या आरोपीचे नाव आहे. पोलिसांनी बालकाचा मृतदेह ताब्यात घेत शवविच्छेदनासाठी पाठवला.