लोखंडी रॉडने दात तोडले, गरम तव्याने दिले चटके; भाजप महिला नेत्यावर मोलकरणीचे आरोप
लोखंडी रॉडने दात तोडले, गरम तव्याने दिले चटके असे गंभीर आरोप माजी आयएएस अधिकाऱ्याची पत्नी आणि भाजप नेत्या सीमा पात्रा यांच्यावर त्यांची मोलकरीणीने केले आहे.
सुनिता असे या मोलकरीणीचे नाव आहे. सीमा पात्रा यांनी तिच्यावर लोखंडी वस्तूने वार करून तिचे दात तोडले आहेत. गरम तव्याने तिच्या शरीराच्या अनेक भागावर चटके दिले, ज्याच्या खुणा शरीरावर अजूनही आहेत. तिने सांगितलं की मॅडमचा मुलगा आयुष्मानने तिला या सगळ्यातून वाचवलं. आज ती त्याच्यामुळेच जिवंत आहे. असे सुनिताने म्हटले आहे.मोलकरीन सुनिताची पोलिसांनी २२ ऑगस्टला भाजप महिला नेत्या सीमा पात्रा यांच्या घरातून सुटका केली. त्यानंतर त्यांना रुग्णायात उपचारासाठी दाखल करण्यात आलं आहे.उपचार करणाऱ्या डॉक्टरांनी सांगितलं की, जेव्हा तिला रुग्णालयात आणलं तेव्हा ती खूप अशक्त होती, हळूहळू तिची शारीरिक स्थिती सुधारेल.
अर्गोराचे एसएचओ विनोद कुमार यांनी सांगितलं की, पीडिता अजूनही पूर्णपणे बरी झालेली नाही. ती बरी झाल्यानंतर न्यायालयात जबाब नोंदवला जाईल. तिच्या वक्तव्यानंतरच पुढील कारवाई केली जाईल. ते म्हणाले की, या प्रकरणाचा तपास पोलिसांकडून अद्यापही सुरू आहे.