Devendra Fadnavis: शिवसेना-संभाजी ब्रिगेड युतीवर देवेंद्र फडणवीसांची एका वाक्यात प्रतिक्रिया...
शिवसेनेतल्या अभूतपूर्व बंडानंतर सेनेला मोठा धक्का बसला आहे. या धक्क्यातून सावरण्यासाठी आता आदित्य ठाकरेंसह उद्धव ठाकरेही कामाला लागले आहेत. संजय राऊतांच्या कोठडीमुळे शिवसेना आणखी कोंडीत सापडली आहे. अशातच त्यांच्या संभाजी ब्रिगेडसोबतच्या युतीच्या घोषणेमुळे राजकीय पक्षांतून प्रतिक्रिया उमटू लागल्या आहेत.
उपमुख्यमंत्री आणि राज्याचे गृहमंत्री देवेंद्र फडणवीस यांनी यावर प्रतिक्रिया दिली आहे. शिवसेना संभाजी ब्रिगेड युतीबद्दल विचारणा केली असता, फडणवीसांनी आपण केवळ एका वाक्यात उत्तर देणार असं सांगितलं. विनाशकाले विपरीत बुद्धी अशी प्रतिक्रिया फडणवीसांनी यावर दिली आहे.