ਲੱਦਾਖ 'ਚ ਚੀਨੀ ਫੌਜ ਦੀ ਧੱਕੇਸ਼ਾਹੀ
ਪੂਰਬੀ ਲੱਦਾਖ 'ਚ ਇਕ ਵਾਰ ਫਿਰ ਚੀਨੀ ਫੌਜ (PLA) ਵੱਲੋਂ ਭਾਰਤੀ ਚਰਵਾਹਿਆਂ ਨੂੰ ਪਸ਼ੂ ਚਰਾਉਣ ਤੋਂ ਰੋਕਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਸੂਤਰਾਂ ਦੀ ਮੰਨੀਏ ਤਾਂ ਪਿਛਲੇ ਹਫ਼ਤੇ ਭਾਰਤੀ ਚਰਵਾਹਿਆਂ ਵੱਲੋਂ ਆਪਣੇ ਪਸ਼ੂਆਂ ਨੂੰ ਰਵਾਇਤੀ ਚਰਾਗਾਹਾਂ ਵਿੱਚ ਚਰਾਉਣ ਨੂੰ ਲੈ ਕੇ ਵਿਵਾਦ ਹੋਇਆ ਸੀ।
ਚੀਨੀ ਸੈਨਿਕਾਂ ਨੇ ਇਤਰਾਜ਼ ਕੀਤਾ। ਹਾਲਾਂਕਿ, ਕਮਾਂਡਰ ਪੱਧਰ ਦੀ ਗੱਲਬਾਤ ਵਿੱਚ ਦੋਵਾਂ ਦੇਸ਼ਾਂ ਵੱਲੋਂ ਇਸ ਮੁੱਦੇ ਨੂੰ ਸੁਲਝਾਇਆ ਗਿਆ। ਫੌਜ ਦੇ ਸੂਤਰਾਂ ਅਨੁਸਾਰ, ਕੋਈ ਆਹਮੋ-ਸਾਹਮਣੀ, ਝਗੜਾ ਜਾਂ ਬੈਨਰ ਡਰਿਲ ਦੀ ਨੌਬਤ ਨਹੀਂ ਆਈ। ਇਹ ਘਟਨਾ ਡੇਮਚੌਕ ਦੇ ਸੈਂਡਲ ਪਾਸ ਦੇ ਚਾਰਡਿੰਗ ਨਿੰਗਲੁੰਗ ਨਾਲਾ (ਸੀਐਨਐਨ) ਦੇ ਟਰੈਕ ਜੰਕਸ਼ਨ ਤੋਂ ਦੱਸੀ ਜਾ ਰਹੀ ਹੈ।
