64MP कॅमेरा, दोन स्क्रीन, 9800mAh बॅटरी, 66W फास्ट चार्जिंगचा स्मार्टफोन लाँच, पाहा किंमत
नवी दिल्लीः तुम्ही खरेदी केलेल्या स्मार्टफोनची बॅटरी लवकर संपतेय, अशी तक्रार तुमची असेल तर मार्केटमध्ये आता एक मोठ्या बॅटरीचा स्मार्टफोन लाँच करण्यात आला आहे. Oukitel ने आपला नवीन फोन WP21 लाँच केला आहे. हा फोन एक रग्ड फोन आहे. यात 9800mAh ची मोठी बॅटरी दिली आहे. याशिवाय, Oukitel WP21 मध्ये एक दुसरी स्क्रीन सुद्धा दिली आहे. ज्यात अनेक नोटिफिक्शन दिसतात. जाणून घ्या या फोन संबंधी सविस्तर.
Oukitel WP21 ची स्पेसिफिकेशन
Oukitel WP21 मध्ये 6.78 इंचाचा FHD+ डिस्प्ले दिला आहे. याचा रिफ्रेश रेट 120Hz आहे. दुसऱ्या स्क्रीनची राउंड स्टाइल मध्ये जे आहे ते मागील बाजुस आहे. दुसऱ्या स्क्रीन सोबत अलवेज ऑन डिस्प्ले फीचर मिळते. दुसऱ्या स्क्रीनचा वापर कॅमेरा व्ह्यू फाउंडर शिवाय, नोटिफिशन आणि म्यूझिक कंट्रोलसाठी करू शकता. दुसऱ्या स्क्रीनसाठी Oukitel ने अनेक वॉच फेसेज जारी करण्यात आले आहे. Oukitel WP21 च्या बॅक पॅनेलवर ६४ मेगापिक्सलचा Sony IMX 686 सेंसर कॅमेरा सोबत २० मेगापिक्सलचा नाइट व्हिजन मॉड्यूल आहे. फोनमध्ये २ मेगापिक्सलचा कॅमेरा दिला आहे.
Oukitel WP2 ला वॉटर रेसिस्टेंट साठी IP68 आणि IP69K ची रेटिंग मिळाली आहे. याशिवाय, मिलिट्री ग्रेडसाठी फोनला MIL-STD-810H चे सर्टिफिकेशन मिळाले आहे. फोनचे वजन ३९८ ग्रॅम आहे. Oukitel WP21 सोबत 9800mAh ची बॅटरी दिली आहे. यावरून ११५० तासाचा स्टँडबाय मिळत असल्याचा कंपनीचा दावा आहे. दाव्यानुसार, फोनच्या बॅटरीवर १२ तासाचा व्हिडिओ प्लेबॅक आहे. या फोनला केबलद्वारे दुसऱ्या फोनला चार्ज करता येवू शकते. Oukitel WP21 मध्ये १२ जीबी रॅम आणि २५६ जीबीचे स्टोरेज दिले आहे. यात ब्लूटूथ ५.० आणि अँड्रॉयड १२ आहे. Oukitel WP21 ची किंमत २८० डॉलर म्हणजेच जवळपास २२ हजार ८२५ रुपये आहे.
