ਐਕਸਪੋਰਟ-ਇਮਪੋਰਟ ਲਈ ਪੰਜਾਬ ਸਰਕਾਰ ਰੇਲਵੇ ਤੋਂ ਖਰੀਦੇਗੀ 3 ਮਾਲ ਗੱਡੀਆਂ

ਚੰਡੀਗੜ੍ਹ : ਪੰਜਾਬ ਸਰਕਾਰ ਜਲਦ ਹੀ ਰੇਲਵੇ ਤੋਂ 3 ਮਾਲ ਗੱਡੀਆਂ ਖਰੀਦੇਗੀ। ਇਹ ਦਾਅਵਾ ਸੀਐਮ ਭਗਵੰਤ ਮਾਨ ਨੇ ਕੀਤਾ ਹੈ। ਮੋਹਾਲੀ ਵਿੱਚ ਐਸੋਚੈਮ ਦੇ ਵਿਜ਼ਨ ਪੰਜਾਬ ਪ੍ਰੋਗਰਾਮ ਵਿੱਚ ਪੁੱਜੇ ਮਾਨ ਨੇ ਕਿਹਾ ਕਿ ਰੇਲਵੇ ਦੀ ਇੱਕ ਸਕੀਮ ਹੈ। ਜਿਸ ਵਿੱਚ ਉਹ 3% 'ਤੇ ਲੋਨ ਦਿੰਦੇ ਹਨ। 350 ਕਰੋੜ ਦੀ ਪੂਰੀ ਮਾਲ ਗੱਡੀ ਮਿਲ ਜਾਂਦੀ ਹੈ। ਇੰਡਸਟਰੀ ਵਾਲੇ ਸਾਡੇ ਨਾਲ ਮਿਲ ਕੇ ਗੱਲ ਕਰੇ। ਅਸੀਂ 3 ਟ੍ਰੇਨਾਂ ਖਰੀਦ ਲਵਾਂਗੇ।
ਇਸ ਦਾ ਨਾਂ 'ਪੰਜਾਬ ਆਨ ਵ੍ਹੀਲਜ਼' ਹੋਵੇਗਾ। ਇਸ ਵਿੱਚ ਉਦਯੋਗਾਂ ਦੇ ਲੋਕਾਂ ਦੇ ਆਪਣੇ ਰੈਕ ਹੋਣਗੇ। ਪੰਜਾਬ ਦੇਸ਼ ਦਾ ਪਹਿਲਾ ਸੂਬਾ ਹੋਵੇਗਾ, ਜਿਸ ਕੋਲ ਆਪਣੀ ਮਾਲ ਗੱਡੀਆਂ ਹੋਣਗੀਆਂ। ਇੱਥੋਂ ਜਾਂਦੇ ਸਮੇਂ ਟਰੈਕਟਰ ਲੈ ਜਾਣਗੇ। ਵਾਪਸ ਆਉਂਦੇ ਸਮੇਂ ਉਹ ਦਰਾਮਦਕਾਰਾਂ ਦਾ ਸਾਮਾਨ ਲੈ ਕੇ ਆਉਣਗੇ। ਜਦੋਂ ਕੋਲੇ ਦੀ ਲੋੜ ਹੋਵੇਗੀ, ਉਹ ਕੋਲਾ ਲੈ ਕੇ ਆਉਣਗੇ।