ਵਿਆਹ ਤੋਂ 3 ਘੰਟੇ ਪਿੱਛੋਂ ਪ੍ਰੇਮਿਕਾ ਦੀ ਮੌਤ, 8 ਮਹੀਨੇ ਦੀ ਸੀ ਗਰਭਵਤੀ, ਸਹੁਰਿਆਂ 'ਤੇ ਕੇਸ ਦਰਜ

ਯੂਪੀ ਦੇ ਰਾਮਪੁਰ ਵਿੱਚ ਇੱਕ ਬਹੁਤ ਹੀ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਵਿਆਹ ਦੇ 3 ਘੰਟੇ ਬਾਅਦ ਹੀ ਨਵ-ਵਿਆਹੁਤਾ ਦੀ ਮੌਤ (Women Death After marriage in three hour) ਹੋ ਗਈ। ਤਿੰਨ ਸਾਲ ਤੱਕ ਚੱਲੇ ਪ੍ਰੇਮ ਸਬੰਧਾਂ ਤੋਂ ਬਾਅਦ ਵੀਰਵਾਰ ਸ਼ਾਮ ਨੂੰ ਪ੍ਰੇਮਿਕਾ ਤੋਂ ਪਤਨੀ ਬਣ ਗਈ। ਉਹ 8 ਮਹੀਨੇ ਦੀ ਗਰਭਵਤੀ ਵੀ ਸੀ। ਰਾਤ ਨੂੰ ਪਤੀ ਨੇ ਸਿਹਤ ਵਿਗੜਨ ਦੀ ਸੂਚਨਾ ਪਰਿਵਾਰਕ ਮੈਂਬਰਾਂ ਨੂੰ ਦਿੱਤੀ। ਸਹੁਰੇ ਵਾਲੇ ਉਸ ਨੂੰ ਹਸਪਤਾਲ ਲੈ ਗਏ। ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਮ੍ਰਿਤਕ ਲੜਕੀ ਦੇ ਪਿਤਾ ਨੇ ਕਤਲ ਦਾ ਦੋਸ਼ ਲਾਉਂਦਿਆਂ ਆਪਣੇ ਪ੍ਰੇਮੀ ਪਤੀ ਸਮੇਤ ਤਿੰਨ ਖ਼ਿਲਾਫ਼ ਧਾਰਾ 304-ਬੀ ਅਤੇ 506 ਤਹਿਤ ਕੇਸ ਦਰਜ ਕਰ ਲਿਆ ਹੈ। ਫਿਲਹਾਲ ਪੁਲਿਸ ਜਾਂਚ 'ਚ ਜੁਟੀ ਹੋਈ ਹੈ।