2023 ਤੱਕ ਪੂਰੇ ਭਾਰਤ ਵਿੱਚ ਹੋਵੇਗੀ Jio ਦੀ 5G ਕਵਰੇਜ - ਮੁਕੇਸ਼ ਅੰਬਾਨੀ
ਰਿਲਾਇੰਸ ਇੰਡਸਟਰੀਜ਼ ਲਿਮਟਿਡ (RIL) ਅੱਜ ਆਪਣੀ ਸਾਲਾਨਾ ਆਮ ਮੀਟਿੰਗ (Annual General Meeting) ਕਰ ਰਹੀ ਹੈ। ਰਿਲਾਇੰਸ ਇੰਡਸਟਰੀਜ਼ ਲਿਮਟਿਡ ਦੇ ਚੇਅਰਮੈਨ ਅਤੇ ਐਮਡੀ ਮੁਕੇਸ਼ ਅੰਬਾਨੀ ਵੀਡੀਓ ਕਾਨਫਰੰਸਿੰਗ ਰਾਹੀਂ ਕੰਪਨੀ ਦੀ 45ਵੀਂ ਸਾਲਾਨਾ ਆਮ ਮੀਟਿੰਗ ਨੂੰ ਸੰਬੋਧਨ ਕਰ ਰਹੇ ਹਨ। ਰਿਲਾਇੰਸ ਇੰਡਸਟਰੀਜ਼ ਦੇ ਨਿਵੇਸ਼ਕਾਂ ਦੇ ਨਾਲ-ਨਾਲ ਕਾਰਪੋਰੇਟ ਜਗਤ ਦੀਆਂ ਨਜ਼ਰਾਂ ਵੀ ਰਿਲਾਇੰਸ ਇੰਡਸਟਰੀਜ਼ ਦੀ AGM 'ਤੇ ਟਿਕੀਆਂ ਹੋਈਆਂ ਹਨ। ਇਹ ਇੱਕ ਵੱਡੀ ਘਟਨਾ ਹੈ, ਜਿਸ ਦੌਰਾਨ ਨਿਵੇਸ਼ਕ ਅਤੇ ਵਿਸ਼ਲੇਸ਼ਕ ਵੱਡੀਆਂ ਘੋਸ਼ਣਾਵਾਂ ਦੀ ਉਮੀਦ ਕਰਦੇ ਹਨ।
ਪਿਛਲੇ ਸਾਲ ਹੋਈ AGM (2021) 'ਚ ਕੰਪਨੀ ਨੇ ਗ੍ਰੀਨ ਐਨਰਜੀ ਸੈਕਟਰ 'ਚ ਪ੍ਰਵੇਸ਼ ਕਰਨ ਦਾ ਵੱਡਾ ਐਲਾਨ ਕੀਤਾ ਸੀ, ਜਦਕਿ 2022 'ਚ ਗੂਗਲ ਵੱਲੋਂ ਕੰਪਨੀ 'ਚ ਨਿਵੇਸ਼ ਕਰਨ ਦਾ ਐਲਾਨ ਕੀਤਾ ਗਿਆ ਸੀ।
