ਬਾਬਾ ਰਾਮਦੇਵ ਦੀ ਕੰਪਨੀ ਨੇ ਨਿਵੇਸ਼ਕਾਂ ਨੂੰ ਕੀਤਾ ਮਾਲੋਮਾਲ

ਪਤੰਜਲੀ ਫੂਡਜ਼ ਦਾ ਸ਼ੇਅਰ (Patanjali Foods share) ਇਕ ਮਲਟੀਬੈਗਰ ਸਟਾਕ (Multibagger Stock) ਹੈ। ਸਿਰਫ 3 ਸਾਲਾਂ ਵਿੱਚ ਹੀ ਇਸ ਸਟਾਕ ਨੇ ਨਿਵੇਸ਼ਕਾਂ ਨੂੰ ਮਲਟੀਬੈਗਰ ਰਿਟਰਨ ਦਿੱਤਾ ਹੈ।

ਕੰਪਨੀ ਨੇ ਨਿਵੇਸ਼ਕਾਂ ਨੂੰ ਪ੍ਰਤੀ ਸ਼ੇਅਰ 5 ਰੁਪਏ ਦੇ ਲਾਭਅੰਸ਼ ਦਾ ਵੀ ਐਲਾਨ ਕੀਤਾ ਹੈ ਅਤੇ ਇਸ ਦੀ ਰਿਕਾਰਡ ਮਿਤੀ 26 ਸਤੰਬਰ ਤੈਅ ਕੀਤੀ ਹੈ। ਹਾਲ ਹੀ 'ਚ ਬਾਬਾ ਰਾਮਦੇਵ ਨੇ ਐਲਾਨ ਕੀਤਾ ਸੀ ਕਿ ਪਤੰਜਲੀ ਗਰੁੱਪ ਆਉਣ ਵਾਲੇ ਸਮੇਂ 'ਚ 4 IPO ਵੀ ਲਾਂਚ ਕਰੇਗਾ।ਪਿਛਲੇ 3 ਮਹੀਨਿਆਂ 'ਚ ਪਤੰਜਲੀ ਫੂਡਜ਼ ਦੇ ਸ਼ੇਅਰਾਂ 'ਚ 38 ਫੀਸਦੀ ਦਾ ਵਾਧਾ ਹੋਇਆ ਹੈ। ਇਸੇ ਤਰ੍ਹਾਂ, ਇਸ ਸਟਾਕ ਨੇ ਪਿਛਲੇ 6 ਮਹੀਨਿਆਂ ਵਿੱਚ ਨਿਵੇਸ਼ਕਾਂ ਨੂੰ 46% ਰਿਟਰਨ ਦਿੱਤਾ ਹੈ। ਜੇਕਰ ਸਾਲ 2022 ਦੀ ਗੱਲ ਕਰੀਏ ਤਾਂ ਇਸ ਸਾਲ ਹੁਣ ਤੱਕ ਇਸ ਸਟਾਕ ਨੇ ਨਿਵੇਸ਼ਕਾਂ ਨੂੰ 56 ਫੀਸਦੀ ਮੁਨਾਫਾ ਦਿੱਤਾ ਹੈ।

ਇਸ ਨੇ ਇਕ ਸਾਲ 'ਚ ਨਿਵੇਸ਼ਕਾਂ ਨੂੰ 26 ਫੀਸਦੀ ਰਿਟਰਨ ਦਿੱਤਾ ਹੈ ਅਤੇ 3 ਸਾਲਾਂ 'ਚ 39,250 ਫੀਸਦੀ ਮਲਟੀਬੈਗਰ ਰਿਟਰਨ ਨਿਵੇਸ਼ਕਾਂ ਨੂੰ ਦਿੱਤਾ ਹੈ।

3 ਸਾਲਾਂ ਵਿੱਚ 4 ਗੁਣਾ ਕੀਤਾ ਪੈਸਾ

ਪਤੰਜਲੀ ਫੂਡਸ ਨੇ ਪਿਛਲੇ 3 ਸਾਲਾਂ 'ਚ ਨਿਵੇਸ਼ਕਾਂ ਨੂੰ ਜ਼ਬਰਦਸਤ ਰਿਟਰਨ ਦਿੱਤਾ ਹੈ। ਜਿਸ ਨਿਵੇਸ਼ਕ ਨੇ 3 ਸਾਲ ਪਹਿਲਾਂ ਇਸ ਸਟਾਕ ਵਿੱਚ 1 ਲੱਖ ਰੁਪਏ ਦਾ ਨਿਵੇਸ਼ ਕੀਤਾ ਸੀ, ਅੱਜ ਉਸ ਦੇ ਨਿਵੇਸ਼ ਦੀ ਕੀਮਤ 3,99,717 ਰੁਪਏ ਹੋ ਗਈ ਹੈ। ਇਸੇ ਤਰ੍ਹਾਂ ਜਿਸ ਨਿਵੇਸ਼ਕ ਨੇ 1 ਸਾਲ ਪਹਿਲਾਂ ਪਤੰਜਲੀ ਫੂਡਜ਼ 'ਚ 1 ਲੱਖ ਰੁਪਏ ਦਾ ਨਿਵੇਸ਼ ਕੀਤਾ ਸੀ, ਉਸ ਨੂੰ ਅੱਜ 1,26,000 ਰੁਪਏ ਮਿਲ ਰਹੇ ਹਨ।