लिव्हर आणि पोटासाठी 'प्युरिफायर'चं काम करतो मुळा; जाणून घ्या फायदे!
मुळा ही भारतात उगवणारी एक आयुर्वेदिक औषधी वनस्पती आहे. पांढरा मुळा सर्व ऋतूमध्ये मिळतो परंतु हिवाळ्यात मिळणारा मुळा चांगल्या दर्जाचा आणि शरीरासाठी उपयुक्त असतो. मुळा हा आरोग्याच्या दृष्टीने अत्यंत महत्त्वाचे कंदमूळ आहे. तज्ज्ञांच्या मते, मुळ्याचे सेवन केल्यास कोणत्याही आजारापासून बचाव करता येतो.
कच्चा कोवळा मुळा हा मलमूत्राच्या विकारांवर, तर थोडा जून झालेला पण कच्चा मुळा सलाड म्हणून खाल्ला तर मूळव्याध, पोटातले गॅसेस धरणे, अपचन या पोटाच्या तक्रारी दूर होतात. हृदयाशी संबधीत आजारामध्ये किंवा कोलेस्ट्रॉल रुग्णांसाठी मुळ्याचे सेवन लाभदायक आहे. ब्लडप्रेशरचा त्रास असणाऱ्या लोकांनी सॅलड स्वरूपात नियमित मुळा खावा. यामुळे ब्लडप्रेशर नियंत्रणात राहील.