एका झटक्यात 40 रुपयांनी स्वस्त झाले पेट्रोल, लोकांचा आनंद गगनात मावेना, कुठे मिळाला हा दिलासा
मुंबई, इंधनदारवाढ ही फक्त भारताचीच नाही तर जागतिक समस्या बनली आहे. आधी कोरोना महामारी आणि आता रशिया-युक्रेन युद्धाने जगभरातील अर्थव्यवस्थांना हादरवून सोडले आहे. त्यामुळे भारतासह सर्वत्र पेट्रोल आणि डिझेलचे दर गगनाला भिडत आहेत. आता वाढत्या महागाईत जनतेला दिलासा देणारी मोठी बातमी समोर येत आहे. भारताचा शेजारी देश श्रीलंकेत पेट्रोलच्या दरात (petrol rate in Shrilanka ) 40 रुपयांनी कपात करण्यात आली आहे. सरकारने अचानक केलेल्या या घोषणेनंतर लोकांचा आनंद गगनात मावेना झाला आहे.