रयत शिक्षण संस्थेचं नाव बदला अन् पवार शिक्षण संस्था करा; उदयनराजेंचा टोला

Udayanraje On Sharad Pawar: कोणत्याना कोणत्या विषयावरून उदयनराजे, पवार कुटुंबावर टीका करत असतात. सातारचे माजी खासदार उदयनराजे भोसले यांनी राष्ट्रवादीचे अध्यक्ष शरद पवार यांच्यावर निशाणा साधला. शरद पवारांचं नाव घेवून म्हणाले "रयत शिक्षण संस्थेचं नाव बदलून आता पवार शिक्षण संस्था करा." असं म्हणत निशाना साधला आहे.

त्यांनी शिक्षण संस्थेच्या कारभारावर सुध्दा प्रश्न उपस्थित केला आहे. सातारा जिल्हाधिकारी कार्यालयासमोर रयत शिक्षण संस्थेच्या कर्मचाऱ्यांची आंदोलन केलं होत. त्या अनुषंगाने उदयनराजे भोसले यांना प्रसारमाध्यमांनी सवाल केला. ते म्हणाले "रयत शिक्षण संस्थेच्या घटनेनुसार संस्थेचा अध्यक्ष हा राज्याचा मुख्यमंत्री असायला हवा, पण तसं होत नाहीय.

ते पुढं म्हणाले रयत शिक्षण संस्थेतील संचालकांचे योगदान काय? पवारांनी रयतच्या शिक्षण संस्था बळकवल्या आहेत. तर त्यांनी रयतमध्ये सुरु असलेल्या कारभारावर कर्मवीर भाऊराव पाटीलांच्या कुटुंबातील सदस्यांनी आवाज उठवायला हवा." असा सल्ला देखील उदयनराजे दिला. त्यांनी रयत शिक्षण संस्थेला दिलेल्या जाग्यावरूण म्हणाले मी लहान असताना संस्थेला जागा दिली, तेव्हा मला काही कळत नव्हतं.