ਨਸ਼ਾ ਤਸਕਰੀ ਦੀ ਮੁਲਜ਼ਮ ਸਾਬਕਾ ਕਾਂਗਰਸੀ ਕੌਂਸਲਰ ਦੀ ਪਤਨੀ ਗੁੱਡੀ ਗ੍ਰਿਫਤਾਰ
ਹਰਿਆਣਾ ਸਰਕਾਰ ਅਤੇ ਸੂਬਾ ਪੁਲਿਸ ਹੁਣ ਨਸ਼ਾ ਤਸਕਰਾਂ ਦੇ ਖਿਲਾਫ ਵੱਡੀ ਮੁਹਿੰਮ ਚਲਾ ਰਹੀ ਹੈ। ਜਿਸ ਦੀ ਜਿਉਂਦੀ ਜਾਗਦੀ ਮਿਸਾਲ ਅੰਬਾਲਾ ਛਾਉਣੀ ਦੀ ਦੇਹਾ ਮੰਡੀ ਵਿੱਚ ਹੈ। ਸਰਕਾਰ ਬੁਲਡੋਜ਼ਰ ਚਲਾ ਕੇ ਇਸ ਨੂੰ ਢਾਹ ਦਿੰਦੀ ਨਜ਼ਰ ਆ ਰਹੀ ਹੈ। ਐਸ.ਐਚ.ਓ ਨਰੇਸ਼ ਕੁਮਾਰ ਅਨੁਸਾਰ 6 ਅਪ੍ਰੈਲ ਨੂੰ ਸੂਚਨਾ ਦੇ ਆਧਾਰ 'ਤੇ ਜਦੋਂ ਕੈਂਟ ਸਦਰ ਥਾਣਾ ਇੰਚਾਰਜ ਨਰੇਸ਼ ਕੁਮਾਰ ਦੀ ਅਗਵਾਈ 'ਚ ਹਾਊਸਿੰਗ ਬੋਰਡ ਪੁਲਿਸ ਚੌਕੀ ਦੇ ਇੰਚਾਰਜ ਬਲਕਾਰ ਸਿੰਘ ਪੁਲਿਸ ਫੋਰਸ ਸਮੇਤ ਕਾਰਵਾਈ ਕਰਨ ਲਈ ਦੇਹਾ ਕਲੋਨੀ ਗਏ ਸਨ। ਨਸ਼ਾ ਤਸਕਰ ਅਤੇ ਉਨ੍ਹਾਂ ਦੇ ਸਾਥੀਆਂ ਨੇ ਪੁਲਿਸ 'ਤੇ ਪੱਥਰਾਂ ਨਾਲ ਹਮਲਾ ਕੀਤਾ, ਜਿਸ ਦਾ ਫਾਇਦਾ ਉਠਾਉਂਦੇ ਹੋਏ ਗੁੱਡੀ ਨਾਮ ਦੀ ਮਹਿਲਾ ਨਸ਼ਾ ਤਸਕਰ ਫਰਾਰ ਹੋਣ 'ਚ ਸਫਲ ਹੋ ਗਈ।
ਇਹ ਔਰਤ ਪੁਲਿਸ ਨੂੰ ਨਸ਼ਾ ਤਸਕਰਾਂ 'ਤੇ ਐਨਡੀਪੀਸੀ ਐਕਟ ਸਮੇਤ ਕਈ ਮਾਮਲਿਆਂ 'ਚ ਲੋੜੀਂਦੀ ਸੀ। 6 ਅਪਰੈਲ ਨੂੰ ਪੁਲੀਸ ਨੇ ਉਸ ਦੇ ਪਤੀ ਸਾਬਕਾ ਕਾਂਗਰਸੀ ਕੌਂਸਲਰ ਰਾਜੇਸ਼ ਅਤੇ ਪੁੱਤਰ ਪ੍ਰਿੰਸ ਨੂੰ 260 ਗ੍ਰਾਮ ਚਿੱਟਾ (ਹੈਰੋਇਨ) ਅਤੇ 1500 ਟਰਾਮਾਡੋਲ ਨਸ਼ੀਲੇ ਕੈਪਸੂਲ ਸਮੇਤ ਗ੍ਰਿਫ਼ਤਾਰ ਕੀਤਾ ਸੀ। ਜਿਸ ਵਿੱਚ ਇਹ ਔਰਤ ਫ਼ਰਾਰ ਹੋ ਗਈ ਸੀ।
