ਡਾਕਟਰ ਨਸਾ ਪੀੜਤਾਂ ਦਾ ਕਰ ਰਹੇ ਇਲਾਜ, ਪੁਲਿਸ ਕਸੇ ਤਸਕਰਾਂ ਤੇ ਸਿਕੰਜਾ:

ਡਾਕਟਰ ਨਸਾ ਪੀੜਤਾਂ ਦਾ ਕਰ ਰਹੇ ਇਲਾਜ, ਪੁਲਿਸ ਕਸੇ ਤਸਕਰਾਂ ਤੇ ਸਿਕੰਜਾ:
ਡਾ. ਮੱਕੜ ਨਸ਼ਿਆਂ ਦੀ ਅੱਗ ਵਿੱਚ ਸੜ ਰਹੇ ਪੰਜਾਬ ਨੂੰ ਬਚਾਉਣ ਲਈ ਸਰਕਾਰੀ ਪੱਧਰ 'ਤੇ ਕਈ ਉਪਰਾਲੇ ਕੀਤੇ ਜਾ ਰਹੇ ਹਨ। ਇਸੇ ਕੜੀ ਵਿੱਚ ਪੁਲਿਸ ਵਿਭਾਗ ਵੱਲੋਂ ਸ਼ਹਿਰ ਦੇ ਸਾਰੇ ਥਾਣਿਆਂ ਵਿੱਚ ਜਾਗਰੂਕਤਾ ਕੈਂਪ ਲਗਾਉਣ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ| ਸਨੀਵਾਰ ਨੂੰ ਥਾਣਾ ਛੇਹਰਟਾ ਵਿਖੇ ਕੈਂਪ ਲਗਾਇਆ ਗਿਆ। ਜਿਸ ਵਿੱਚ ਵਿਧਾਇਕ ਡਾ: ਜਸਬੀਰ ਸਿੰਘ ਅਤੇ ਪ੍ਰਸਿੱਧ ਮਨੋਵਿਗਿਆਨੀ

ਡਾ: ਹਰਜੋਤ ਸਿੰਘ ਮੱਕੜ ਨੇ ਸਿਰਕਤ ਕੀਤੀ | ਡਾ: ਹਰਜੋਤ ਸਿੰਘ ਮੱਕੜ ਨੇ ਕਿਹਾ ਕਿ ਪੰਜਾਬ ਵਿਚ ਇਸ ਸਮੇਂ ਸਭ ਤੋਂ ਵੱਡੀ ਸਮੱਸਿਆ ਨਸਾ ਹੈ। ਅੱਜ ਤੋਂ 19 ਸਾਲ ਪਹਿਲਾਂ ਇੱਕ ਸਰਵੇਖਣ ਕੀਤਾ ਗਿਆ ਸੀ, ਜਿਸ ਵਿੱਚ ਪੰਜਾਬ ਦੀ ਜੀਡੀਪੀ ਵਾਧਾ ਦਰ ਪਹਿਲੇ ਨੰਬਰ 'ਤੇ ਸੀ। ਪਿਛਲੇ 19 ਸਾਲਾਂ 'ਚ ਅਜਿਹਾ ਕੀ ਹੋਇਆ ਕਿ ਅੱਜ ਅਸੀਂ 18ਵੇਂ ਨੰਬਰ 'ਤੇ ਆ ਗਏ ਹਾਂ।

ਇਸ ਨੂੰ ਸਮਝਣਾ ਅਤੇ ਸੋਚਣਾ ਪਵੇਗਾ| ਪੰਜਾਬ ਦੇ ਹਰ ਘਰ ਵਿੱਚ ਨਸ਼ਿਆਂ ਨੇ ਜਕੜ ਲਿਆ ਹੈ। ਇਸ ਦੀ ਰੋਕਥਾਮ ਵਿੱਚ ਪੁਲਿਸ ਨੇ ਵੱਡੀ ਭੂਮਿਕਾ ਨਿਭਾਈ ਹੈ।

ਆਉਣ ਵਾਲੇ ਸਮੇਂ ਵਿੱਚ ਪੁਲਿਸ ਨੂੰ ਨਸ਼ਾ ਤਸਕਰਾਂ ਖਿਲਾਫ ਸਖਤ ਕਦਮ ਚੁੱਕਣੇ ਚਾਹੀਦੇ ਹਨ। ਮੈਂ ਇੱਕ ਡਾਕਟਰ ਹਾਂ, ਮੈਂ ਨਸੇੜੀਆਂ ਦਾ ਇਲਾਜ ਕਰ ਸਕਦਾ ਹਾਂ। ਸਾਡੀਆਂ ਟੀਮਾਂ ਪੁਲਿਸ ਨੂੰ ਸਹਿਯੋਗ ਦੇਣ ਲਈ ਹਮੇਸ਼ਾ ਤਿਆਰ ਹਨ। ਪੁਲਿਸ ਦੇ ਯਤਨਾਂ ਨਾਲ ਸਮਾਜ ਵਿੱਚ ਵੱਡੀ ਤਬਦੀਲੀ ਦੇਖਣ ਨੂੰ ਮਿਲੇਗੀ|