कुरकुंभ औद्योगिक वसाहतीतील अनेक कंपन्या रसायनमिश्रीत सांडपाणी ओढयात

कुरकुंभ : दोन दिवसांपासून रात्रीच्या वेळी होत असलेल्या पावसाच्या पाण्यात कुरकुंभ ( ता.दौंड ) औद्योगिक वसाहतीतील काही कंपन्या हजारो लिटर रसायनमिश्रीत सांडपाणी सोडल्याने ओढयाच्या पाण्याला उग्रवास व फेस आला आहे. हे हजारो लिटर रसायनमिश्रीत सांडपाणी चार किलोमीटर अंतरावरील मळद हद्दीतील तलावात साठवून राहत असल्याने परिसरातील पाण्याचे स्त्रोत दुषित झाले आहेत.