ਅਮਾਨਤੁੱਲਾ ਖਾਨ ਗ੍ਰਿਫਤਾਰ, ਕਰੀਬੀਆਂ ਦੇ ਘਰੋਂ ਮਿਲੇ 24 ਲੱਖ ਨਕਦ, ਹਥਿਆਰ

ਨਵੀਂ ਦਿੱਲੀ- ਭ੍ਰਿਸ਼ਟਾਚਾਰ ਰੋਕੂ ਬਿਊਰੋ (ਏਸੀਬੀ) ਨੇ 'ਆਪ' ਵਿਧਾਇਕ ਅਤੇ ਦਿੱਲੀ ਵਕਫ਼ ਬੋਰਡ ਦੇ ਚੇਅਰਮੈਨ ਅਮਾਨਤੁੱਲਾ ਖਾਨ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ACB ਨੂੰ ਉਨ੍ਹਾਂ ਦੇ ਖਿਲਾਫ ਇਤਰਾਜ਼ਯੋਗ ਸਮੱਗਰੀ ਅਤੇ ਸਬੂਤ ਮਿਲੇ ਹਨ। ਇਨ੍ਹਾਂ ਦੇ ਆਧਾਰ 'ਤੇ ਸ਼ੁੱਕਰਵਾਰ ਨੂੰ ਵੱਡੀ ਕਾਰਵਾਈ ਕੀਤੀ ਗਈ। ਏਸੀਬੀ ਨੇ ਉਸ ਤੋਂ ਕਰੀਬ ਸਾਢੇ ਪੰਜ ਘੰਟੇ ਪੁੱਛਗਿੱਛ ਕੀਤੀ। ਦੱਸਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਦੀ ਗ੍ਰਿਫਤਾਰੀ ਏਸੀਬੀ ਦਿੱਲੀ ਦੀ ਐਫਆਈਆਰ ਨੰਬਰ 5/2020 ਦੇ ਕੇਸ ਵਿੱਚ ਸ਼ਾਮਲ ਹੋਣ ਦੇ ਦੋਸ਼ ਵਿੱਚ ਕੀਤੀ ਗਈ ਹੈ। ਅੱਜ ਸਵੇਰੇ ਏਸੀਬੀ ਨੇ ਖਾਨ ਦੇ ਕੁਝ ਟਿਕਾਣਿਆਂ 'ਤੇ ਛਾਪੇਮਾਰੀ ਕੀਤੀ ਸੀ। ਦੋ ਥਾਵਾਂ ਤੋਂ 24 ਲੱਖ ਦੀ ਨਕਦੀ ਬਰਾਮਦ ਹੋਈ ਹੈ। ਇਸ ਤੋਂ ਇਲਾਵਾ ਖਾਨ ਦੇ ਕਾਰੋਬਾਰੀ ਭਾਈਵਾਲ ਕੋਲ ਹਥਿਆਰ ਅਤੇ ਕਾਰਤੂਸ ਵੀ ਮਿਲੇ ਹਨ।

ਦੱਸ ਦਈਏ ਕਿ ਅੱਜ ਏਸੀਬੀ ਨੇ ਖਾਨ ਦੇ 4 ਟਿਕਾਣਿਆਂ 'ਤੇ ਇੱਕੋ ਸਮੇਂ ਛਾਪੇਮਾਰੀ ਕੀਤੀ ਸੀ। ਇਸ ਦੌਰਾਨ ਜਾਂਚ ਟੀਮ ਨੂੰ ਉਸ ਦੇ ਕਾਰੋਬਾਰੀ ਭਾਈਵਾਲ ਹਾਮਿਦ ਅਲੀ ਦੇ ਘਰੋਂ ਹਥਿਆਰ ਅਤੇ ਕਾਰਤੂਸ ਮਿਲੇ ਹਨ। ਇੱਥੇ ਟੀਮ ਨੂੰ 12 ਲੱਖ ਰੁਪਏ ਨਕਦ ਵੀ ਮਿਲੇ ਹਨ।