ਦੇਸੀ ਘਿਓ ਦੇ ਫਾਇਦਿਆਂ ਦੇ ਨਾਲ-ਨਾਲ ਹੁੰਦੇ ਹਨ ਇਹ ਵੱਡੇ ਨੁਕਸਾਨ

ਭਾਰਤ ਵਿੱਚ ਦੇਸੀ ਘਿਓ (desi ghee) ਇੱਕ ਮਸ਼ਹੂਰ ਚੀਜ਼ ਹੈ, ਜਿਸ ਨੂੰ ਬਹੁਤ ਸਾਰੇ ਲੋਕ ਆਪਣੀ ਰੋਜ਼ਾਨਾ ਖ਼ੁਰਾਕ ਵਿੱਚ ਸ਼ਾਮਲ ਵੀ ਕਰਦੇ ਹਨ। ਘਿਓ ਦੀ ਵਰਤੋਂ ਕਰਨਾ ਵੀ ਬਹੁਤ ਆਸਾਨ ਹੈ। ਇਸ ਨੂੰ ਰੋਟੀ ਤੇ ਲਗਾਇਆ ਜਾਂਦਾ ਹੈ, ਸਬਜ਼ੀਆਂ ਅਤੇ ਦਾਲਾਂ ਵਿੱਚ ਪਾਇਆ ਜਾਂਦਾ ਹੈ ਅਤੇ ਆਯੁਰਵੇਦ ਵਿੱਚ ਇਸ ਦਾ ਸੇਵਨ ਸਿੱਧਾ ਵੀ ਕੀਤਾ ਜਾਂਦਾ ਹੈ। ਘਿਓ ਸਿਹਤਮੰਦ ਚਰਬੀ ਦਾ ਇੱਕ ਚੰਗਾ ਸਰੋਤ ਹੈ ਅਤੇ ਤੁਹਾਡੇ ਦਿਲ ਦੀ ਸਿਹਤ ਨੂੰ ਕਈ ਤਰੀਕਿਆਂ ਨਾਲ ਲਾਭ ਪਹੁੰਚਾ ਸਕਦਾ ਹੈ। ਖਾਲੀ ਪੇਟ ਘਿਓ ਖਾਣ ਦੇ ਵੀ ਬਹੁਤ ਸਾਰੇ ਫਾਇਦੇ ਹਨ, ਕਿਉਂਕਿ ਇਹ ਪਾਚਨ ਕਿਰਿਆ ਨੂੰ ਸਾਫ਼ ਕਰਦਾ ਹੈ ਅਤੇ ਕਬਜ਼ ਤੋਂ ਰਾਹਤ ਦਿੰਦਾ ਹੈ।
ਘਿਓ ਵਿੱਚ ਐਂਟੀ-ਏਜਿੰਗ ਅਤੇ ਦਿਲ ਨੂੰ ਸਿਹਤਮੰਦ ਰੱਖਣ ਵਾਲੇ ਗੁਣ ਹੁੰਦੇ ਹਨ, ਜੋ ਅੱਖਾਂ ਲਈ ਵਧੀਆ ਹੁੰਦਾ ਹਨ। ਇਸ ਤੋਂ ਇਲਾਵਾ ਘਿਓ ਦਿਮਾਗ਼, ਯਾਦਦਾਸ਼ਤ, ਪਾਚਨ ਕਿਰਿਆ ਵਧਾਉਣ, ਚਮੜੀ ਆਦਿ ਲਈ ਲਾਭਕਾਰੀ ਹੁੰਦਾ ਹੈ। ਹਾਲਾਂਕਿ, ਮਾਹਿਰਾਂ ਮੁਤਾਬਕ ਘਿਓ ਹਰ ਕਿਸੇ ਲਈ ਫਾਇਦੇਮੰਦ ਨਹੀਂ ਹੋ ਸਕਦਾ ਅਤੇ ਕਈ ਲੋਕਾਂ ਨੂੰ ਨੁਕਸਾਨ ਵੀ ਪਹੁੰਚਾ ਸਕਦਾ ਹੈ। ਹਰ ਚੀਜ਼ ਜੋ ਸਿਹਤਮੰਦ ਮੰਨੀ ਜਾਂਦੀ ਹੈ, ਜ਼ਰੂਰੀ ਨਹੀਂ ਕਿ ਤੁਹਾਨੂੰ ਅਨੁਕੂਲ ਹੈ। ਇਸ ਗੱਲ 'ਤੇ ਧਿਆਨ ਦੇਣਾ ਵੀ ਜ਼ਰੂਰੀ ਹੈ ਕਿ ਇਹ ਤੁਹਾਡੇ ਸਰੀਰ ਦੇ ਅਨੁਕੂਲ ਹੈ ਜਾਂ ਨਹੀਂ।
ਕਿਹੜੇ ਲੋਕਾਂ ਨੂੰ ਘਿਓ ਦਾ ਸੇਵਨ ਬਿਲਕੁਲ ਨਹੀਂ ਕਰਨਾ ਚਾਹੀਦਾ।
• ਘਿਓ ਸਾਡੀ ਪਾਚਨ ਕਿਰਿਆ ਦੇ ਲਈ ਨੂੰ ਪਚਾਉਣਾ ਮੁਸ਼ਕਿਲ ਹੁੰਦਾ ਹੈ। ਜੇਕਰ ਤੁਸੀਂ ਅਕਸਰ ਪਾਚਨ ਅਤੇ ਪੇਟ ਦੀਆਂ ਸਮੱਸਿਆਵਾਂ ਨਾਲ ਜੂਝਦੇ ਹੋ ਤਾਂ ਘਿਓ ਦਾ ਸੇਵਨ ਨਾ ਕਰੋ।
• ਲਿਵਰ ਸਿਰੋਸਿਸ, ਸਪਲੀਨੋਮੇਗਲੀ, ਹੈਪੇਟੋਮੇਗਲੀ, ਹੈਪੇਟਾਈਟਸ ਆਦਿ ਜਿਗਰ ਅਤੇ ਤਿੱਲੀ ਦੀਆਂ ਬਿਮਾਰੀਆਂ ਵਿੱਚ ਘਿਓ ਤੋਂ ਬਚਣਾ ਚਾਹੀਦਾ ਹੈ।
• ਗਰਭ ਅਵਸਥਾ ਦੌਰਾਨ ਘਿਓ ਦਾ ਸੇਵਨ ਕਰਦੇ ਸਮੇਂ ਦੁੱਗਣਾ ਧਿਆਨ ਰੱਖਣਾ ਚਾਹੀਦਾ ਹੈ। ਜੇਕਰ ਗਰਭ ਅਵਸਥਾ ਦੌਰਾਨ ਤੁਹਾਡਾ ਭਾਰ ਬਹੁਤ ਵਧ ਜਾਂਦਾ ਹੈ ਤਾਂ ਘਿਓ ਬਿਲਕੁਲ ਵੀ ਨਾ ਖਾਓ।
• ਬੁਖਾਰ ਵਿੱਚ ਘਿਓ ਨਾ ਖਾਓ, ਖਾਸ ਕਰਕੇ ਮੌਸਮ ਵਿੱਚ ਤਬਦੀਲੀ ਕਾਰਨ ਹੋਣ ਵਾਲੇ ਬੁਖਾਰ ਵਿੱਚ।