हे एप्रिल फुल नव्हे! गॅस सिलेंडरचे दर पुन्हा वाढले

नवी दिल्ली : आज नव्या महिन्याची सुरुवात! आजचा दिवस एप्रिल फुल म्हणून ओळखला जात असला तरी ही बातमी काही तुम्हाला फूल करण्यासाठी नसून वास्तव आहे. आज पुन्हा एकदा महागाई वाढली असून सरकारी तेल कंपन्यांनी स्वयंपाकाच्या गॅसचे दर वाढले आहेत. 19 किलोच्या कमर्शियल सिलेंडरचे दर आज पुन्हा एकदा वाढले आहेत. नवी दिल्लीमध्ये आता कमर्शियल सिलेंडर 2,253 रुपयांचा झाला आहे. (LPG Cylinder)

चेन्नईमध्ये सर्वाधिक दरकमर्शियल सिलेंडरच्या दरामध्ये 250 रुपयांची भाववाढ झआली आहे. या भाववाढीनंतर आता कोलकातामध्ये हा सिलेंडर 2,351 रुपयांचा झाला आहे. मुंबईमध्ये 2,205 रुपयांचा तर चेन्नईमध्ये 2,406 रुपयांचा झाला आहे. याआधी सरकारने एक मार्च रोजीच 105 रुपयांची घसघशीत भाववाढ केली होती. तर गेल्या 22 मार्च रोजी सरकारने घरगुती गॅस सिलेंडरचे दर वाढवले होते, तेंव्हा याचे दर 9 रुपयांनी स्वस्त केले होते. इंधन कंपन्यांनी एक एप्रिलला घरगुती सिलेंडरच्या दरात भलेही वाढ केली नसेल मात्र, अगदी दहा दिवसांपूर्वीच म्हणजेच 22 मार्च रोजी सरकारने सामान्यांचं आर्थिक बजेट बिघडवून टाकलं आहे. (LPG Cylinder)

ट्रोल-डिझेलच्या भावांनी केलं एप्रिल फुलगेल्या १० दिवसांपासून पेट्रोल, डिझेलच्या दरात वाढ होत आहे. त्यामुळे आजही वाढ होणार असं वाटत असतानाच त्या दरांनी आपल्याला एप्रिल फुल केलं आहे. आज या दरांमध्ये वाढ आज झालेली नाही. मुंबईत आज कालच्या एवढेच पेट्रोल, डिझेलचे दर आहेत. पेट्रोल प्रति लीटर 116.72 रुपये आणि डिझेल प्रति लीटर 100.94 रुपये एवढे आहे. तर पुण्यात पेट्रोल 116.38 प्रती लीटर आणि डिझेल 99.12 रुपये प्रती लीटर आहे. पुण्यामध्ये १२ पैशांनी डिझेलच्या दरात घसरण झाली आहे. (Petrol-Diesel Price)