ਡਬਲ ਐਵੀਕਸ਼ਨ ਇਹ ਦੋ ਮਜ਼ਬੂਤ ਕੰਟੈਸਟੈਂਟ ਹੋਣਗੇ ਸ਼ੋਅ ਤੋਂ ਬਾਹਰ!
ਰੋਹਿਤ ਸ਼ੈੱਟੀ ਵੱਲੋਂ ਹੋਸਟ ਕੀਤੇ ਜਾਂਦੇ ਸ਼ੋਅ 'ਖਤਰੋਂ ਕੇ ਖਿਲਾੜੀ 12' ਦੀ ਇਨ੍ਹੀਂ ਦਿਨੀਂ ਦਰਸ਼ਕਾਂ 'ਚ ਕਾਫੀ ਚਰਚਾ ਹੈ। ਹਰ ਵਾਰ ਦੀ ਤਰ੍ਹਾਂ ਇਹ ਸ਼ੋਅ ਵੀ ਖਤਰਿਆਂ ਨਾਲ ਭਰਿਆ ਹੋਇਆ ਹੈ, ਜਿਸ ਨੂੰ ਪਾਰ ਕਰਨਾ ਪ੍ਰਤੀਯੋਗੀਆਂ ਲਈ ਆਸਾਨ ਨਹੀਂ ਹੈ। ਸ਼ੋਅ ਹੌਲੀ-ਹੌਲੀ ਆਪਣੇ ਅੰਤਿਮ ਪੜਾਅ ਵੱਲ ਵਧ ਰਿਹਾ ਹੈ। ਪਿਛਲੇ ਹਫ਼ਤੇ ਵੀਕ ਟੂ ਫਿਨਾਲੇ ਰਿਹਾ। ਇਸ ਦੌੜ 'ਚ ਫੈਜ਼ਲ ਸ਼ੇਖ ਅਤੇ ਤੁਸ਼ਾਰ ਕਾਲੀਆ ਵਿਚਕਾਰ ਜ਼ੋਰਦਾਰ ਟੱਕਰ ਹੋਈ। ਇਸ ਗੇਮ 'ਚ ਤੁਸ਼ਾਰ, ਫੈਜ਼ਲ ਨੂੰ ਕੁਝ ਹੀ ਸਕਿੰਟਾਂ 'ਚ ਹਰਾਉਣ 'ਚ ਕਾਮਯਾਬ ਰਹੇ। ਅਜਿਹੇ 'ਚ ਤੁਸ਼ਾਰ ਫਾਈਨਲਿਸਟ ਬਣਨ ਵਾਲੇ ਪਹਿਲੇ ਮੁਕਾਬਲੇਬਾਜ਼ ਵੀ ਬਣ ਗਏ ਹਨ। ਹੁਣ ਅਗਲੇ ਹਫ਼ਤੇ ਇਸ ਖ਼ਤਰਨਾਕ ਗੇਮ 'ਚ ਮੁਕਾਬਲੇਬਾਜ਼ਾਂ ਦੀਆਂ ਮੁਸ਼ਕਲਾਂ ਵਧਣ ਵਾਲੀਆਂ ਹਨ। ਇਸਦੇ ਨਾਲ ਹੀ ਲੇਟੇਸਟ ਅਪਡੇਟ ਇਹ ਹੈ ਕਿ ਸੈਮੀ ਫਾਈਨਲ ਹਫ਼ਤੇ ਵਿੱਚ ਡਬਲ ਐਵੀਕਸ਼ਨ ਹੋ ਸਕਦਾ ਹੈ।