क्रिकेटचा खेळ निर्णायक वळणावर...
न्यू झीलंडचा महत्त्वाचा खेळाडू ट्रेंट बोल्ट यानं आपल्या क्रिकेट नियामक मंडळाच्या करारापासून दूर राहण्याचा निर्णय घेतला आणि या बातमीनं क्रिकेटच्या खेळाचा अभ्यास करणारे लोक विस्मयचकित झाले. तसं बघायला गेलं तर कधी तरी कोणत्या तरी खेळाडूच्या बाबतीत हे होणारच होतं. बोल्ट त्या वेगळ्या प्रवासातला पहिला वारकरी ठरला. क्रिकेटच्या खेळाला वेगळंच वळण लागत असल्याच्या सर्व खुणा स्पष्ट दिसत असूनही पालकसंस्था असलेल्या आंतरराष्ट्रीय क्रिकेट कौन्सिलनं काणाडोळा केल्यानं क्रिकेटचा खेळ अचानक भलत्याच वळणावर येऊन ठाकला आहे.
