हृता दुर्गुळेचा बिग बॉसमध्ये धक्काबुक्की करणाऱ्या स्पर्धकाला फुल्ल सपोर्ट! म्हणाली-

वादग्रस्त शो बिग बॉस १६ (Bigg Boss 16) पहिल्याच दिवसापासून चर्चेत आहे. आता यामध्ये हाय व्होल्टेज ड्रामा पाहायला मिळाला. गेल्या एपिसोडमध्ये घरामध्ये कॅप्टन्सी टास्क खेळण्यात आला. मराठी बिग बॉसचा विजेचा शिव ठाकरेला हरवून गौतम विजला कॅप्टनपद मिळाले. टास्कमध्ये धक्काबुक्कीसोबतच बाचाबाचीही झाली. अर्चना गौतम आणि शालीन भनोट यांच्यात भयंकर बाचाबाची पाहायला मिळाली. त्याने तिला मुद्दाम मोठ्या सूटकेसने धक्का दिल्याचा आरोप शालिनवर करण्यात आला. या सर्वांदरम्यान मराठमोळी अभिनेत्री हृता दुर्गुळे (Hruta Durgule on Shalin Bhanot) हिचं नाव चर्चेत आलं आहे.काय म्हणाली हृता?
शालिनला घराबाहेर काढण्याची मागणी घरातील सदस्यांनी केल्यानंतर बिग बॉसने स्वत: यामध्ये हस्तक्षेप केला. शालिनच्या इन्स्टाग्राम पेजवर या घटनेचा व्हिडिओ शेअर करण्यात आला आहे. तोच व्हिडिओ इन्स्टाग्राम स्टोरीवर पोस्ट करत हृताने त्याला पाठिंबा दिला आहे. ती असं म्हणाली आहे की, 'शालिन भनोट अजिबात असा नाही की जो एखाद्याला जाणीवपूर्वक त्रास देईल. आम्हाला माहीत आहे की तो ताकदीने कमबॅक करेल.' तिने हार्ट इमोजीसह #WeStayStrong असा हॅशटॅगही वापरला आहे दरम्यान हा सर्व प्रकार घडल्यानंतर बिग बॉसने कॅप्टन गौतम वीजचे मत विचारात घेतला. गौतमनेही सर्वांच्या सांगण्यावरुन तो दोषी असल्याचे म्हटले आहे. त्यामुळे बिग बॉसने त्याला दोन आठवड्यांसाठी नॉमिनेट केले आहे. याशिवाय तो या स्पर्धेत कधीही कॅप्टन बनू शकणार नाही अशीही शिक्षा त्याला देण्यात आली आहे. या सर्व प्रकारानंतर शालिनचे नाव सोशल मीडियावर ट्रेंड होत आहे. सोशल मीडियावर दोन गट पडल्याचं पाहायला मिळतं आहे. काहींचं म्हणणं आहे की त्याने जाणीवपूर्वक अर्चनासोबत असे वर्तन केले. तर काहींनी शालिनला पाठिंबा दिला आहे.