Emraan Hashmi: इम्रान हाश्मीवर दगडफेक, पहलगाममधील धक्कादायक प्रकार

Emraan Hashmi News: बॉलीवूडचा प्रसिद्ध अभिनेता इम्रान हाश्मी हा गेल्या काही दिवसांपासून जम्मु काश्मीरमध्ये एका चित्रपटाच्या शुटींगसाठी दाखल झाला आहे. त्याच्या आगामी ग्राउंड झिरो नावाच्या चित्रपटाचं चित्रिकरण याठिकाणी सुरु आहे. तिथे अचानक अभिनेत्यावर दगडफेक झाल्याची धक्कादायक घटना समोर आली आहे. पहलगाम मधील मार्केटमध्ये हा प्रकार घडल्याचे दिसून आले आहे. त्या घटनेचे फोटो व्हायरल होताच चाहत्यांनी इम्रानबाबत चिंता व्यक्त केली आहे. काही अज्ञात व्यक्तींकडून दगडफेक करण्य़ात आल्याचे सुत्रांनी सांगितले आहे.