नितीशकुमार पंतप्रधानपदाच्या स्पर्धेत कुठेच नाही, आमची लढाई फक्त… अमित शहा यांचं मोठं विधान

सीबीआयने राहुल गांधी यांची चौकशी केली. सीबीआय राहुल गांधींना घाबरली नाही. तर तेजस्वी यादवांना का घाबरणार? असंही ते म्हणाले.
पूर्णिया: बिहारचे मुख्यमंत्री नितीश कुमार (Nitish Kumar) यांनी भाजपची साथ सोडल्यानंतर भाजप (BJP) अधिकच आक्रमक झाली आहे. यापुढे नितीश कुमार यांच्याशी कधीच युती करणार नसल्याचं भाजपचे नेते आणि केंद्रीय गृहमंत्री अमित शहा (Amit Shah) यांनी स्पष्ट केलं आहे. तसेच नितीश कुमार हे पंतप्रधान पदाच्या स्पर्धेत नाहीत. ते कुठूनही निवडणूक लढणार नाहीत. विरोधकांकडून पंतप्रधानपदाचे उमेदवार कोणी असतील तर ते राहुल गांधीच असतील, असा दावा अमित शहा यांनी केला आहे.