त्याने ‘लिव्ह इन पार्टनर’चा खून केला, मृतदेह फ्रिजमध्ये लपवला आणि त्याच दिवशी दुसरीशी लग्न केले

निक्की यादव ( वय 25 ) ही हरीयाणाच्या झज्जारची रहिवासी आहे. निक्कीची साहील गेहलोत याच्याशी बसच्या प्रवासात ओळख झाली. जेव्हा तो दहावीच्या परीक्षेची तयारी करण्यासाठी उत्तम नगर येथील एका कोचिंग क्लासला जात होता.
दिल्ली : एका 25 वर्षीय महिलेचा मृतदेह पोलिसांना ढाब्याच्या फ्रिजरमध्ये लपवलेला सापडला होता. या प्रकरणात पोलीसांनी 24 वर्षीय ढाबा मालकाला अटक केली आहे. साहील गेहलोत असे आरोपी ढाबा मालकाचे नाव असून त्याने त्याची ‘लिव्ह इन पार्टनर’ 25 वर्षीय तरूणी निक्की यादव हीने लग्नाचा तगादा लावल्याने तिची हत्या केल्याची कबूली पोलीसांनी दिली आहे. निक्कीचा दुसऱ्या मुलीशी विवाह करण्यास विरोध होता त्यामुळे तिचा अडसर दुर करण्यासाठी त्याने हे कृत्य केल्याचे पोलीसांना सांगितले.